مجلة حروف من الياسمين ** " روحْ أُكْتوبَرْ " بقلم / شعر/ محمود العزب 19/9/2000

روحْ أُكْتوبَرْ

شعر/محمود العزب
19/9/2000

فى السادس من اكتوبر
والعاشر من رمضان

الأرض صَفارْها اتخَضَّر
والرَمل طِلِع لُه سِنان
والحِلْم العاصى اتفَسَّر
واتحَقََّـق وبإتـقـان

وفاجِئْنا الناس والدُنيا
بِرْجوع الحَـق إلينـا
واخْوانَّا اتْلَّموا ف ثانيَه
وسْمِعْنا مِتين مَوال

من عَنْد البحر الأحمر
ولْحَدْ أواخِر سينــا
وقَمَرْنا ابو وِشْ مْنَوَّر
قالِّى هاتِرْجَع أمانينا

ماهوْ مُشْ مُمْكِن نِتْصَوَّر
أصحاب الحَق يهِجُّـوا
ويْكِشُّوا من السُكـــان
فى السادس من اكتوبر

والعاشر من رمضـان
الكُل صَبَحْ مِتْـطَّمِـن
واتْسَلَّـحْ بالفَـوَقـان
خَلاَّنا بروحُه العاليـه

نِفْتِكِرْ الأرض الغاليه
وِنفَكَّر فى العُـرْبـان
وسْمِعْتُه وهوَّه بْقولِّى
إيه يعْنى النَعْجَه الدُّولِّى

مُمْكِن تِسْتَنْسَخْ مِنِّى
يوم واحِدْ مَهْمَن كان
ونْرَجَّع تانى الهَضَبَـه
ويكون لِإيدينا الغَلَبَه

ونْعَيِّـد فى الجـولان
ولايبْقَىَ إتْفَضْ العُرْس
وباقى لْنا حقوق فى القُدس
قِبْلِةْ كُل الأديــان

ولاتِهْـرَب مِنَّـا الذِكْـرَىَ
ونْبُصْ بْعينَّا لْبُكْـرَه
ونعيـش فى سلام وأمان
ونْعيش فى سلام وأمان.