مجلة حروف من الياسمين *** " " / ـــ فى حُب مصر ـــ " بقلم الشاعر محمود العزب

فى حُب مصر

شعر/محمود العزب
20/10/2015

إنتوا لَمَّـا نَهَبتونـا
ووعدتونا وخَدعتونا
وطَلَّعتوا لنا عِنين أبونا
كان دا برضُهْ فى حُب مصر

وانتوا لَمَّا عَرَّتونـا
وذَلَّتونـا وفضحتونا
وفى الآخر خَدنا الصابونهْ
كان دا برضُهْ فى حُب مصر

دا انتوا لِسَّهْ هاتشوفونا
واحذروا واتجَنِّبونـا
يااللِّى خُنتُـم شعـب مصر

وعُمرُكُـم ماها تِغلبونـا
والحقوا وهِجُّوا وسيبونا
وحِبُّوا روحكوا وسيبوا مصر.