بقلمى يوسف ونيس مجلع – ايطاليا بريشيا
اصدقائى الاحباء فى سلسلة الكلمات الخفيفة كلمة بعنوان ليلة سهاد
طلع النهار و انا برضه قاعده -------- حبت انوار وخد بعضه وعدى
سابلى نار الظنون مخدة –----------------- على افكار جنون بشدة
احلف ونجوم الكون شاهدة –-------- بتروح وتيجى تلاقينى شاردة
-----------------------------------------------------------------------
مش عارفه مالى الليلادى -------------- مش لاقيه لراسى سندة
النوم لعيونى معادى --------------------------- احايله مافيش فايدة
الويل هوله فى سهادى –----------------------- ولاعة جوايا قايدة
الليل طوله مش عادى ----------------------- والساعة ويايا معانده
كسلانه وتذيد فى عنادى ---------- حالفه ما تمشى دقيقة واحدة
-----------------------------------------------------------------------
اتصور حلاوته قصادى ----------------- الاقينى فى سحره متاخده
تتهور شقاوته بفوادى ------------------- عواصف مش ناويه تهدا
امسك فى الهوا وانادى ------------------------ واترجا فيه يستهدا
لاعقلى مراعى ودادى --------------------- ولا قلبى حرمانه بيهدا
والاقى اهات الدنيادى ------------------------ مع تنهيدى متواعده
------------------------------------------------------------------------
بين اشواك ظنونى الحادة ----------------- استخرت كام الف وردة
ياترى جى حنان فى مودة ------------- ولا كى حرمان فى الوحدة
ياترى هانول امالى الذايدة ----------------- ولا طول الليالى الباردة
واقول خلاص دى اخر شدة -------------- وتعدى وانا لسه شاردة
يوماتى ياناس يحيرنى الحال ده --- ياخواتى خلاص جننى الواد ده
بقلمى يوسف ونيس مجلع
