مجلة حروف من الياسمين***------فيكى يابلدى-----" بقلم الشاعر/ احمد عيد ‫#‏شاعرالجيل‬

------فيكى يابلدى-----

شفت يا بلدى فيكى حاجات
كنت زمان يابلدى اسمعها
جوا حكاية وفى الرويات
كنت بقول اكيد اصحابها

الاحساس جواهم مات
ولما كنت شوى احسبها
ارجع اضحك اقول مش فارقه

ماهى فالاخر دى رويات
لكن انا دلوقت حزين
اصل يابلدى بيحصل فيكى

اغرب ماللى سمعته كتير
الاحساس مبقاش موجود
شجر الغدر طرح ممدود

بدر الامن خلاص راح زمنه
حجبه سحاب مسكون بالخوف
شوفى كام شاب خايف وحزين

وكام غيره قتلوه خاينين
شوفى كام مليون شاب يابلدى
جوا سجونك مظلومين

بين جدران الحبس قلوبهم
فيها نار مقهورين
حتى العدل فيكى مات

المقتول اسمه ارهاب
واللى يهتف يطلب حقه
الاعلام خلاه كداب

والقاتل حر ومتهنى
قتل الحر بدون اسباب
والجلاد فى كل سجونك

فاتح لينا كشف حساب
كل يوم بيزيد فى عذابه
وكأنه بيضرب فى كلاب

وفيكى يابلدى شفت حاجات
اكتر ماللى كنت اسمعها
وانا صغير فى الحكايات

احمد عيد ‫#‏شاعرالجيل‬