مجلة حروف من الياسمين***" $$طب ازاى$$"بقلم الشاعر/ احمد عيد ‫# ‏شاعرالجيل‬

$$طب ازاى$$

بيقولو مصر بتفرح
بيقولو فيها سعاده
مع ان ناس شاربه
المر فيها بزياده

والدمع ساكن فيهم
نغمات انين رداده
ياعم بص شويه

على ناس تحت التراب
ناس عايشه ساكته
وسط بحور العذاب

ناس من الالم
العضم فيهم داب
والقلب بقى مدبوح

والفقر بقى غلاب
وانتا الوحيد مسؤل
قدام رب العباد

ملايين متتعدش
راميها فالتراب
ولا التراب باقى

ولا حتى جيش وعتاد
ياعم بص شويه
رعيتك مقسومه

مليون فى السما
ملايين كتير مدفونه
وتقولى مصر بتفرح

طب تفرح ازاى
والدم راوى ترابها
والحزن عازفه الناى

وام الشهيد تصرخ
والغل ساكن اخوه
اصل حبيبه اتحرم

من حضن امه وابوه
والوف كتير تانيا
مابين جريح وسجين

والفقر فيكى يامصر
على معظمك سكاكين
وتيجى تقولى فرحه

طب دى نجيبها منين
الاقيها فى الموسكى
ولا فى سيدنا الحسين

الفرحه دى عندك
وعند طبالينك
وعند ناس تبعك

طبقت خدامينك
طبقة سرقة بلد
متنعمه بملايينك