مجلة حروف من الياسمين *** " ياريت أبويا ما علمنى" بقلم / محمد ضباشه

ياريت أبويا ما علمنى
محمد ضباشه

ياريت أبويا ما علمنى
وكان سابنى أبيع بطيخ
فكنت هعيش مع همى
بحبة فتونه وتشبيــــح
يمكن كان دا أفضلى
ويبقى عقلى معايا مريح
وكان رحمنى من شِعرى
ومن الإسقاط وم التلميح
ولا كنت تعبت أنا عقلى
مع ساسة بتوع شخاشيخ
وكام قرداتى يلاعبنى
على حفنة من اللحاليح
وتصريحات منهم بتتعبنى
خلتها طبيخ فى طبيخ
على كام فكرة تهدمنى
لما يحولوا الدهب لصفيح
وكام حدوتة ترعبنى
ما خلتنى أعيشها مليح
لكن بأحوالهم ما عزونى
وكبيرهم فى البلد دى جريح
وأسوأ منى فى عيونى
وكان والدى معايا صريح
--
اللحاليح : الجنيهات
شخاشيخ : من ألعاب الأطفال