مجلة حروف من الياسمين *** " بيسألونى عنك " بقلم / الشاعر / محمد ضباشه

بيسألونى عنك
محمد ضباشه

بيسألونى عنك من سنين
قلت الحنين والشوق لها
وعينين تغيب عنى لفين
ترجع لى بليلها ودمعها
وأنا وصبرى مولفين
وعلى السطور نكتب لها
من قلبى والله مشتاقين
يا مين يروح يوصف لها
القلب فى بعادها حزين
وما فى فرحة فى بُعدها
من غيرها مكتوف اليدين
وآمالى سارحة فى بحرها
نرمى الشبك مع كلمتين
تخرج صور تشبه لها
وعيون بحب متكحلين
لكن هوايا ما مال لها
يارب بسأل هى مين ؟
وعلى المراسى فين عشها
بتمنى ريح تجمع ما بين
قلبى وحبى وقلبها