شاعرة الياسمين منى ضيا
المدير العام
عدد المساهمات : 571
تاريخ التسجيل : 20/07/2015
 | | موضوع: مجلة حروف من الياسميبن **الدنيا جزمة** بقلم ياسر شرف- كبير محررين مترجمين الثلاثاء أكتوبر 20, 2015 4:48 pm | |
| الدنيا جزمة
=======
الدنيا جزمة وليها مقاسات بنمشى فيها باحتمالات
مقاس صغير ومقاس كبير للمقتدر او حتى فقير
صندل وجزمة مع مكاساة سبدرين وشبشب تمشى معاه
وفى ناس تقول دى الدنيا مداس تدوس عليها بكل حماس
وفى ناس تشيلها كده عالراس وتتباهى بيها وباخلاص
الوان بسوستة وفيونكات وبكعب عالى او حتى بلاك
وساعات تلاقى الحافى مسكين مقهور يقاسى ليوم الدين
وفى ناس بتياس من أزمة وتقول دى جزمة مالهاش لازمة
وناس بتلزق فى كراسى وتقول دى حلوة على مقاسى
دى الدنيا فانية ومتلازمة واخرتها حفرة بدون جزمة
وساعات تكون كوتشى سريعة وساعات بطيئة وفيها ضيقة
فى ناس بتلبسها فى الرأس وناس ب تلبسها برقاص
اخرتها تمشى فى المشوار وتوصل بسرعة لحد الدار
وفى ناس بتلبس فى الجزمة وناس بتاخد بالجزمة
لو بانس او حتى برباط عارفة طريقها للقرافات
اخلعها بسرعة يا ابن الناس قبل ماتوصل وراح تحتاس
لا دايمة لعاتى او جبار اقلعها واسجد للقهار
مع تحيات الفقير لله
ياسر شرف- كبير محررين مترجمين
بقطاع الاخبار- الاذاعة والتلفزيون | |
|
