مجلة حروف من الياسمن*** " أنا ضمير مجهول " بقلم / ‫ محمد أبوالمعاطى

أنا ضمير مجهول

لكل ظالم جهول
ما حد يعرفنى
لكن يشرفنى
اكتب و اقول
و ابين و اطول
و اصول و اجول
و امنع و احول
بين الظالم و ظلمه
على حسب علمه
انا ضميره و قلمه
انا ضميره و علمه
لاجل ما اكون
له أو عليه
يوم ما القيامة تقوم
راح اشاور اليه
و اشهد عليه
انا المواطن
عالم بالبواطن
انا اللى عايش فيه
و ما حد عنى يخفيه
لو عايز تعرف الحقيقة
عيش عيشتى
دقيقة بدقيقة
و امسك قلمى و ريشتى
و عيش ألمى و عيشتى

محمد أبوالمعاطى