مجلة حروف من الياسميبن **** النتيجة واحد صفر بقلم محمد أبوالمعاطى

النتيجة واحد صفر
لصالح الشعب
مرأة و رجل و طفل
النتيجة واحد صفر
لصالح الشعب
و راح نعدى الصعب
و الشعب مالوش كفل
لا صندوق و لا قفل
و لا حكومة تساوى صفر
و اللى ايده ف الميه
مش زى اللى ايده ف النار
يا حكومة الميه
و البيسيه و الفنار
و الظلم للركب
ليل ويا نهار
انتظروا ثورة الجياع
ياع ياع ياع
و الحريه قبل الانصياع
يا حكومة الضياع
الحرية قبل الانصياع
يا حكومة الضياع
و الظلم أشكال و ألوان
و خلاص أن الأوان
العدل يكون عنوان
و شجرة الحرية صنوان
قاعدين على مكاتبهم
لاجل ما نتعبهم
لكن همه اللى بيتعبونا
و مطلعين دين أبونا
و عايزنا كمان ننتخبهم
لأ و كمان بيحبسونا
بدل ما يحافظوا علينا و يحمونا
ف قلوبهم غل و ليمونة
و كل شويه يلومونا
و عايزنا كمان ننتخبهم
لأ لإما يغلبونا أو نغلبهم
همه عايزين أعضاء تناسبهم
مش عايزين شعب يحاسبهم
محمد أبوالمعاطى