مجلة حروف من الياسمين *** " انزلوا صوتوا بس بجد " بقلم / محمد أبو المعاطى المحامى

انزلوا صوتوا بس بجد

عايزكو تلطموا ع الخد
و تقولوا احيه احيه
ما عادت قيمة للجنيه
حتى مع الجبنة القديمة يا بيه
انزلوا عند اللجان
و ارقصوا رقصة الجان
و قولوا كنا إنسان
لكن من كتر الأشجان
اخترقنا و اتحكم فينا جان
ارقصوا رقصة الهنود الحمر
و لا الأفارقة السمر
يمكن يطول العمر
و ما نموتش من كتر الغم و المر
و مين هيشيل وزرنا
يمكن وزيرنا يقولنا
و لا رئيسنا ينصح لنا
و لا مجلس الشعب يدلنا
عطشان يا صبايا دلونى ع الطريق
عطشان و عايز اطفى كمان حريق
تعرفوا تحلوها
و الله العظيم حتى ما تفهموها
عايزكو تنزلوا و تقولوا هيييه
نزلنا أهوه يا بيه
و انت كبيرنا و ابيه
بس لو طلعوا نصابين هتعملنا ايه
و لو فضل الحال على ما هو عليه