بقلمى يوسف ونيس مجلع ايطاليا بريشيا
اصدقائى الاعزاء هذه الكلمة كتبت من قلب الاحداث واذيعت تليفزيونيا فقط فى اكتوبر 2013
وقبل ان تذاع اضيف لها بعض الابيات التى تدعم الوحدة الوطنية والتى لو كتبت
وقتها لما كان لها معنى لان الوحدة الوطنية كانت حالة يعيشها المصرين دون التفكير فيها
او الحديث عنها---الكلمة بالعامية بعنوان شاهد عيان
من ذكريات جندى شاهد عيان ---------- كان له شرف الوجود فى الميدان
شاف البطولات لجيش الشجعان ------ اللى درسها التاريخ وغناها الزمان
--------------------------------------------------------------------
ابتدى لكم ايه ولا ايه من الاعجازات --- اللى قالو هدمه رابع المستحيلات
انهار تحت رجلينا مخدش ساعات -- ايمان مالينا غيرنصر مفيش احتملات
--------------------------------------------------------------------
بعد النكسة ظهرت كئابة السحاب -------- والوكسة شمتت باظافر وانياب
قالو مصر وقعت ونهارها غاب ----------- بعزها اتهزمت ومجدها شاب
لكن الدنيا اندهشت عجب واعجاب --- لما شمسها طلعت وفى عز الشباب
انتصارتها رجعت باصرار غلاب -- القناة صالحت ولادها من غيرعتاب
وسينا حضنت جنودها الاحباب --------- حضن العاشق بعد طول غياب
-------------------------------------------------------------------
اللى انحنى على التراب باسه ---------- واللى بالشكر عبر عن احساسه
واللى زرع العلم باخر انفاسه -------------- فخور مبتسم و رافع راسه
النصر شافنا عمدان فى اساسه ----------- والمجد عرفنا عزوته وناسه
-----------------------------------------------------------------
كنا فدائين والروح على الكف امارة -- لما طاش الرصاص ملايين بغزارة
ما نقاش مننا المسلمين او النصارى -- ما لقاش غير المصرين بس بجدارة
-----------------------------------------------------------------
واستمر جيش النصر بيمان زاحف --- قلبه عمران صلبان و مصاحف
والعدو هربان على اربعة ساحف -- تارك عتاد الوان عملنا منه متاحف
-----------------------------------------------------------------
هنا من ساحة اكتوبر المجيدة ----------- تحية اجلال للاجيال الجديدة
اجدادكم بسماحة الحب الشديدة ---------- ضحو بنفوس راضية سعيدة
داسو جراحهم ضحو بارواحهم --------- لاجل بسمة الحفيد و الحفيدة
بقلمى يوسف ونيس مجلع
