ارسل سلامي للخوي عبر الاثير
للصاحب اللي بشوفته ماكفانا
الصاحب اللي شاغله موسم الطير
يللي على المقناص راح وونسانا
ماينـفع الغّـياب كـثر التـبارير
ولا تنفع الاعذار لو هو جفانا
تشتاق روحي لهرجته عند العصير
ولا الكلام اللي من الهم شفانا
قعداتنا بالقيظ تسوا الف طير
حسبي على الايام مكثر هوانا
غيبتكم اللي تعصر القلب تعصير
ذياب ابو ياسر ولو هو معانا
ابو زيد يمنا ويمتى تشد المسير
ياحره الاشـواق جمره كوانا
انت ترى بالطيب يشهدلك الغير
جاسم على فعل الجمايل زمانا
فارس وتشهد له علوم التقارير
ننخيه للصعبات يوم تعصانا
رجلن تعدا بالوصف سيرة الزير
ومن المراجل ترى حنا عدانا
شرواك نادر في زمان الفرافير
لك منزلن بالقلب قدر ومكانا
ماعيب الجمسات كثر الطراطير
ولاعيب الفرعون ارض الكنانا
ارجاك نتسى لو حصل فيه تقصير
حـنا تـرانا لاخـطينا نـتـوانا
امتا تجي الاخبار صايدلك الجير
وتلالي النسوان طرحه لفانا
وتعلى بالاجواء صوت الزمامير
من صايدٍ للطير منهو سوانا
كم عيد مر وحنا عالحال تهجير
نصبر ونسكت والهموم تحدانا
غربه تراها مثل ضرب المسامير
الموت يا ابو زيد ولا المهانا
اجبرنا هالتهجير كود الخنازير
يرميه ربي منهو يللي رمانا
ماينفع الظلّام كثر الدنانير
بيدين ربي بالمواقف حزانا
الحر ماخوفه صوت العصافير
والاحسب للبوم قدر و مكانا
ياللهْ عسا المقناص ببلادنا غير
يم الحماد اللي يمتع هوانا
يارب ياجاسم عسا فالك الخير
ويرزقك ربي من العطايا طنانا
بقلمي../ محمد عواد البشكمي/
