مجلة حروف من الياسمبن *** " برضُهْ باحِبَّها " بقلم / ‏شعر/محمود العزب 21/9/2015

برضُهْ باحِبَّها

شعر/محمود العزب
21/9/2015

باحِبَّها لإنَّهـا

ناسيانى غَصبٍ عَنَّها
وقلبى ساكِـن عَندهـا
وحُبِّى طول عُمرى لَها

وفيهْ عوازِل بكرهوهـا
وبيبيعوا فيها ويشتروها
وبيخَدَّروها ويسرقوهـا

وبكَرَّهوها فى نفسها
وبشَتِّتوا لها عَقلهـا
وبحَطَّموا فيها قَلبها

علشان تزيد فى عِندها
وتِبقَىَ عايشَهْ لوحدَها
ولإنِّـى مِحتاج قُربهـا

هافضَل أحَنِّـن قلبهـا
وهاابقَىَ دايماً جَنبهـا
لِإنِّى برضُهْ باحِبَّهـا.