مجلة حروف من الياسمين *** " مركب ورق " بقلم / احمد منسي

مركب ورق

فى فتره من حياتي
أعلنت استسلامى

ورميت سيفى
وتركت ميدانى
وطوعت شيطانى

ومشيت وراه مشانى
على الطريق حافى
على أرض طارحه شوك

والدنيا كانت ليل
ونور القمر طافى
مشيت ع الشوك لأخر الطريق

والطريق في آخره بحر غريق
وعالشط مركب ورق
من اللى شوفته في الطريق

جريت ع المركب فرحان فرحة غريق
نجا من الغرق
نزلت المركب وفضلت اقدف اقدف

وفي عرض البحر فجأه هاج الموج
والمركب غرق
بقيت اعافر مع الموج

واصارع الموت
اصرخ مهما اصرخ
محدش سامع صوت

وفجأه سمعت صوت
ملاك بينادى ماتخفش
وكان على ايديها النجاه

وخدتنى من الموت
لجنة الحياه
ورسمتلى الطريق

وحددتلى الاتجاه
وقالتلى انت مش لوحدك
انا معاك طول ماانتا مع الله

بقلم/ احمد منسى