الشاعر المصري/احمد ابراهيم
---------------------------------------
فى قصيدة
(كرهت الفجر ف عنيكي)
**************************
وليه فجرك الم ممدود
وليه جرحك مالهوشي حدود
وليه تسبيني اشتقلك
مابين ثانيه مع التانيه
ومنك انتى بس بموت
اعيش ابني وقلبك ليا وبيهدم
بكل برود
**************************
اقول كرهك ماصرخ القلب جوايه
بعلو الصوت
وبيسأل سؤال واضح ولا امبارح
انا طارح ولا فارح
ولا كان ليا فيكى وجود
انا اعلنت العصيان وهتمرد
انا بيكى ومن غيرك انا هقدر
اهد الحلم ف عنيكي وهتمرد
وهعلن ثورة البركان
ونار تحرق هنا قلبك
هدوس على كل اوراقي
وهقتل فيكى كل ورود
**************************
كرهت الفجر ف عنيكي
وليه فجرك الم ممدود
وليه منك انا بدبل
وليه العمر فى وجودك
ومتلوّن بلون داكن
وليه الفرح بوجودك
*************************
بطعم الحزن وساكن
وليه انتى يا ساقيه الشوك
فى دربي الشوك هنا طارح
كرهتك بكرة فى اللحظه
من امبارح
خلاص سهمك وكان جارح
**************************
وليه جرحك مالهوشي حدود
وليه تسبيني اشتقلك
مابين ثانيه مع التانيه
ومنك انتى بس بموت
اعيش ابني وقلبك ليا وبيهدم
بكل برود
**************************
خلاص امشي انا همشي
فى عكس طريق
عشان بنا الطريق مسدود
==================
بقلم الشاعر المصري/احمد ابراهيم
