مجلة حروف من الياسمين*** " واحد قهوه " بقلم الشاعر / احمد منسى

واحد قهوه

واحد قهوه من غير سكر
تشرب وتسقينى اشرب اسكر
والغريبه ان حبيبتى عملها ساده

والاغرب ان القهوه طعمها مسكر
والطبيعى إن القهوه بتصحصح
واللى مش طبيعى انى بطوح

وكل ماتشرب وتسقينى اسرح
واسكر اكتر
يخلص الفنجان اقول عايز تانى

اشرب اسكر واسرح بخيالى
اتخيلها فحضنى ونبدأ حكاوى
عن زمان وعن دلوقت

وحبنا اللى بيكبر مع الوقت
فجأه تهزنى فوقت فصلت
اقول عايز قهوه تانى

تعملى قهوه تانى قدامى ساده
تشرب وتسقينى بردو سكرها ذياده
اشرب اتسطل اكتر واسرح بخيالى

اتخيلتها
على شط اسكندرية
ونزلنا سوا الميه

وعملت بغرق
عشان اشوف بعنيا
خوفها ولهفتها عليا

تيجى موجه قويه
تهزنى فوقت فصلت
ألقى الحقيقه غير خيالى

اقول عايز قهوه تانى
وتعملى قهوه تانى
تشرب وتسقينى اشرب

اسكر واسرح بخيالى
والمرادى شطح خيالى
من كتر ماشربت شردت

وطلبت معايا ابوسها دلوقت
بوستها افورت واكتشفت
إن السكر كان من شفايفها

وسكرى كان من ريقها
وأصبحت مدمن
القهوه من فنجانها

ومن وقتها لدلوقت
اسكر وهى فى حضنى
من غير ماتخيلها

عشان الواقع مع حبيبتى
أجمل بكتير من الصوره اللى
كنت فى خيالى راسمها

بقلم/ احمد منسى