مجلة حروف من الياسمين***" حلم بسيط " بقلم / ابوعمرو الريشي

حلم بسيط
..................
ضمينا ضمة حنان .خلينا
نحس بالدفا ........ف أحضانك
بلاش ضمة قبرك القاسي
شبعنا موت
شبعنا ظلم
قوليلنا بس من ........... خانك
ومين حالف يجوعنا
ويزيد بالقتل............. أحزانك
كفايا علينا المرض والجوع
كفايا قهر ................سجانك
أنا حلمي كان بسيط
لقمة حاف ونومه وسط.. أركانك
أنا عمري
ما احلمت غير إني أشوفك كبيرة
وبين الأمم عالى ..........بنيانك
ليه قاسيه على ولادك كدة
وليه واخدة الغريب ..ف أحضانك
وأنا اللي يوم ثورتك دمي
سال في الطرقات على.. شانك
وقلت عمري فداك
وتبقي عزيزة في......... مكانك
شبعت قهر ومر
شبعت فقر وجهل وبطش سجانك
ومهما تعملي فيا أنا صابر
وبرضه عزيزة على قلبي
وأقوم الصبح أدعيلك يزول ليلك
وييجي النور تضمي
أولادك بحنيه تعدي بحور
وبدل ما تبني مقابر وسجون
تأوينا وأرضك بور
خليكي وطن دافي لولادك
يكون فيك العدل اساس عنوانك
..............
بقلم/ ابوعمرو الريشي