وجع السنين \\\ شعر غنائى
قلم \\ شيماء يوسف
آه ياوجع السنين
وصوت الأ نين
والشوق والحنين
سنينا تعدى
ولايمكن تهدى
مكتوب ع الجبين
سنين بنخسرها
وناس بنهجرها
تنزل عليها
دموعنا يا عين
بحن لزمانه
فين هو مكانه
وأروح له منين
حاولنا كتير ننسى
ولا عرفنا فى يوم نقسى
عايشين ومش عايشين
نضحك والقلب حزين
يمكن فى يوم تلمحه
ولا تشوفه العين
دنيتى تطرح ورود
وتفتح على الجانبين
كلامى يبقى غنى
باجمل التلحين
الثانيه تبقى سنه
والعمر يبقى اتنين
واحنا لسه على الأ مل عايشين
يمكن ننسى وجع السنين
وآه يادنيا من وجع السنين
قلم\\\ شيماء يوسف
