مجلة حروف من الياسمين ********" " قصيدة (سيبنى أعيش) " بقلم: عزة أحمد أبو زيد.

( قصيدة (سيبنى أعيش)

-- وتوعدنى ،وقوام تخلف

ودايمآ تيجى وبتحلف

تقول عنك ماباستغنى

وانتى اللحن والمغنى

وانتى اللى باقيه لى

وإنتى، اللى فى بالى

وانتى ف الفؤاد معنى !! ---

--- وباستغرب لأفعالك

دايمآ طاردنى من بالك

وياما قاسيت من الهجران

وياما شفت إهمالك

ها اقول لك كلمه ياتاعبنى

واحفظ كلمتى ف بالك

ها ابيع طيرك

واشوف غيرك

ولايوم ييجى واحتاج لك

وراح استغنى عن خيرك

ماخلاص ماكرهت أحوالك

مايعجبنيش أنا سيرك

روح امشى وسيبنى أعيش

بوضعك دا ماتلزمنيش

وروح لطريقك المغلوط/

وروح واسرح مع الألاضيش

وكيف هااقدر أعيش وياك

دا عيشتى معاك هاتبقى هلاك

-------واخد مقلب ف روحك ليه؟

خلاص مابقيت انا فاهماك

وجايزعايزتاكل عقلى

وبتقول لى انك انت ملاك ؟؟

روح إمشى بلا رجعه

وشوف مين اللى تستناك

شربت الهم من كاسك

وبا ستحمل عشان ناسك

هواك ماجاش على قدى

فشوف لك حاجه على مقاسك

واوعى ف يوم تقول لى سماح

وفى قربك أنابرتاح

سيبنى أعيش على راحتى

وخليك فى الهوى سواح

دنا - من يوم ما حبيتك

ماشفتش يوم معاك أفراح

يبقى ازاى هاتسعدنى ؟

ويبقى ازاى معاك ها ارتاح؟؟

إوعى تقول على مواعيد

خلاصة القول ، أدينى بعيد

وسيبنى أعيش ف أفراحى

دا بعدك عنى أصبح عيد

بقلم الشاعرة : عزه احمد أبو زيد

................