نفسى !!!
نفسى أبعد أو أطير
لدنيا جديدة ..
نفسى أحلق فى الفضا
لنجمة عنيدة ..
نفسى أعشق سحابه
فوق بالسما ..
نفسى أنزل بحور
بموجه مقسما ..
عايزه أسير أبعد كتير
ولو آتوه ..
مش راح أفكر أو أقدر
بأى توه ..
عايزه أهرب كمان أجرب
أسكن وحدتى ..
يمكن ألاقى حلم تاه بعيد
عن قسمتى ..
وشوش جديدة تكون سعيدة
بدنيتى ..
تضحك تفكر بفكر أخضر
بلون وردتى ..
خايفة الضمير يحكم بغير
طريقى لفرحتى ..
يخضع حياتى وكل ذاتى
بعيد عن سكتى ..
أحلام شرف
كاتبة وشاعرة مصرية
