كلام متزوق بس كله زيف
كلام .....متزوق بس كله زيف واحنا بنحب التزويق والتغليف
الحاجه من بره جميله وشكلها نضيف لكن من جواه بلوبيف
لازم... نعرف نفرق بين كلام متزوق وكلام يجي عل الكيف
وكله .......طبيخ وكلام فيه لت وعجن وزياده في التصاريف
منصوب.......... بالفتحه ومضموم بالعين وقلبك يبان رهيف
صنعه ......وحرفه وتحريف وبلاش تلف علينا ياعم الشريف
العب .........لعبة تانيه ياحريف عرفنا كلامك وفن التكاليف
جاي .......تقول منين اجيب مصاريف ده الجيب بقي نضيف
وضيعت ............الدنيا بكلام كده مغلف بفن وزوق التغليف
ناس ..........غلابه مش لاقيه تجيب رغيف وطبعهم عفيف
وانت .............مصدقت تزود في الاونطه وتزود في التزيف
كل .........كلامك كدب في كدب واحنا مش عاوزين تغليف
الناس ............تعبت وبقي جيبه نضيف وتعبنا من التزيف
الشاعر مدحت فضل
