انت الورد والصبح
انت العطر والهيل
انت نسيم الفجر
وانت الليل لو اسدل جناحينه
اعلى اعيون الحديثة الغافية
بصدر الشوك
ودموع الحزن بخدودها اتهلهل
انت الشمس والكمر
وسهيل النجم للعشاك لو اذن
وانت السفح والجبل والوادي لو خضر
انت الامل والمنى بجفوف الظهر لو جمر
انت ريحة النعناع والنعمان اورد الكرنفل
وياسمين وجوري والتفاح لو ازهر
انت روحي المالفاها الشوك من اسنين الظلمة والسرداب والسيف والخنجر
تعال اضمك ابروحي وتشرب ماي من عيني
وعلى صدري مثل الطفل تضحك وتهجر
مالي بهالوكت سلوى
ولا طيبة عشك
بولاية العاكول والشوك والبردي
والكصب سد الماي عن خضرة العنبر
وين الروج والقداح ودهلة اهلنا البيها نتعطر
وي زمان الخير وابصبخت الطرطيع
راحت وانكضت ايامنا الحلوة؟؟
