مجلة حروف من الياسمين*** " ليه بتغدر بس ؟ ليه ؟ " بقلم / Azza Abu Zaid

ليه بتغدر بس ؟ ليه ؟

شعر/ عزه احمد ابو زيد
.ليه بتغدر بس ؟ ليه ؟؟
هوه دا قلبى اللى انته
كنت بتزايد عليه ؟؟
كنت أقدر يوم اخليك
تبقى لعبه بين إيديه
كنت أقدر أعذبك
ماتنام نهار
ولا حتى ليل
كان بإيده يجننك
كان هايسقيك كل ويل
بس قلبى
كان مسامح عمره ماكان قاسى وجارح
يبقى ليه ياخدك غرورك
بس ليه ؟؟ كنت قادره أظلمك
إنما / عمر قلبى ماكان بيظلم
كنت راح تصعب عليه
كنت قادره ابيع ودادك
مين كان هايسألنى ليه ؟؟
كنت قادره أجننك
من غير متسألنى
ده ليه / لكن فؤادى
حفظ ودادى
للساعه دى يبقى تغدر بس ليه ؟؟
لو حسابى راح تخون
كنت أهملتك كتير
/ مين هايجرؤ - ويحاسبنى ؟؟
حتى لو بعت الضمير ؟؟
أبدا مايوم كان حد يقدر
بس انا عندى
ضمير / روح لحالك
شوف دلالك
شغله على حد تانى
م النهارده القرار ده راح يهمك
مش حبيبتك ولا باهمك
يكفينى ربى / شر سمك
كل دا / عارف دا ليه ؟؟
إسأل ضميرك ؟ ليه بيغدر بس ؟ ليــــــــــــــــــــــه ؟؟؟؟؟؟؟؟؟؟؟؟؟؟؟؟؟؟؟؟