قصيدة..أنا بنت الكوفية... بقلمي
أنا بِنت الكُوفِيّة وبَدّي أحكِيلَك
أُرجُم أُرجُم لا تِهتَم
أنا فَلسطِنية وبَدّي أغَنيلَك
يابو الحَطّه الكُوفيّة
غيرَك ما يعَبّي عيوني
طَالِع بِالعَالي واِنتَ مكَانَك
تِسلملي ما أجمَل خَيالَك
ملَثَم ومِشتاق أشوفَك
يا مُقَاوِم بَدّي أشَارِك
فلَسطيني وعاقِد العَصبة
وشوفِتهُم إلَك أكبرَ رَعبة
يا يُمّا قولي لَ خَالي
الصَقر بإيدو حَمامة
ونِيال عُيوني يا يُمّا
لَمّا تِشوف الرِجالِ
فلَسطيني وواقِف كُدَّامي
وبِالمُقليعةَ يُضرُب دَبّابةِ
والله لأعبّي بحَرجي حجَارة
وانكُلّك كُلّ احجَار الحَارة
يابو مُقليعة مِثل السِّنّارة
حَجَرَك قَتَل عيون اعدَانا
وأنا فلسطينية وبَغنِّيلَك
الثّورة الثّورة بتِقدَح
من خَيالَك
وأنا بِنت الكُوفِيّة وبَحكيِلَك
أُرجُم أُرجُم لا تِهتَم
وإذا خِلصو لِحجَارة
خُذني بإِيدَك حَجَر
ولا تِهتَم
بقلمي..زيدان حنتولي
