مجلة حروف من الياسمن*** " ساعات " بقلم / سامح ايليا

ساعات

على قد بعد المسافات

وجراح الغدر والعذابات

وكتر السهد وسخونة الاهات

ودموع بتجرى ع الذكريات

اعيش اللحظة مع نفسى

واقول :

بيريحنى بكاى ساعات

افتكر الحبايب

اللى عايش واللى مات

واعيد الذكرى

على فكرى بالكلمات و الحركات

واتخيل منظر الغالى

على قلبى فى اللى فات

واعيش اللحظة مع نفسى

واقول :

بيريحنى بكاى ساعات

بيريحنى بكاى ساعات

سامح ايليا