مجلة حروف من الياسمين*** " قيراط حظ و لا فدان شطارة " بقلم / محمد أبوالمعاطى

قيراط حظ و لا فدان شطارة
و زوجة مؤمنة و لا دكان عطارة
و فى واحدة تقول كسبت
و فى واحدة تكون خسارة

و كله حسب الست
لإما اتأخرك لإما تقدمك
لإما تحييك لإما تعدمك
و الواد أضعف م البت

و انت و حظك يا حلو
حسب الدين و السلو
و فى واحدة ترفعك
و فى واحدة ترزعك

و فى واحدة تديك
و تقولك يا ديك
و بعد ما تغديك
تتعشى بيك

و فى واحدة تشيلك و تحطك
و فى واحدة ف ديلك ما تنطك
و فى واحدة تدبحلك قطك
و فى واحدة عمرها ما تلطك
فى واحدة و واحدة

فى واحدة بعد الضهر
و فى واحدة بالليل
فى واحدة تشوف الطهر
و فى واحدة تشوف الويل