مجلة حروف من الياسمين*** " احكيلي عن بلدي " بقلم / هيام صعب

احكيلي عن بلدي
شو نفع الحكي
وهالبلد الهربان

من عيون البكي
تع تنرجع زغار
ﻷيام الطفولة

للظل اللي مارق
ع ساحة الدار
نتعلق بأغصان هاك الشجرة

ونطير ونعلي فوق السحاب
ونشوف شو صار فيكي
يا بﻻد

وما يخلص الحكي
أنا اسمع
وإنت تحكيلي

عن شجرة الزيتون
وقلب أمي الحنون
وعن بي التعبان

من الشغل بهالبستان
وبعد...
ما خلص الحكي

سهراتنا بضي القمر
وزيارات الجيران
النسيم يﻻعب شعرنا

والضحكات
ويغاروا منا هالنجمات
واتركني غمض عيني

واسترجع هالذكريات
ذكرياتك يا بﻻد
وذكريات أيام الطفولة

احكيلي وشو نفع الحكي
وهالبلد الهربان من عيون
البكي

احكيلي وﻻ توقف
عن بلدي
ظل احكيلي