مجلة حروف من الياسمين***" قمر "بقلم الشاعر/ سامي عباس

قمر

مين شاف القمر ومكلموش
ومين حب والليل مسهروش
جاوبوني ياللي عشقتوا ومتسكتوش

انا زايكوا وللا متعرفوش
باسهر معاه ليلاتي ومبانسهوش
واحكي معاه دايما ومابسلهوش

امد ايدي اجيبوا لكن مابامسكوش
لخبطلي حالي وبرضه معجبتوش
رحت لطبيب الهوي ومخلتوش

يكتب لي علي دوا ما اعرفوش
قاللي تشوف حبيبك يوماتي ولا تسيبوش
وسيبك م القمر ولا تكلموش

طب فين حبيبي اللي مزعلتوش
ولا عمري اسيبوا ولا اهجروش
الله يسامحوا القمر ياريت مكلمتوش