مجلة حروف من الياسمين*** " قصيدة عفوا يا رسول الله " بقلم / ياسر شرف

قصيدة عفوا يا رسول الله
===============

حلمت مرة بحلم جنان بطه نبينا العدنان
رافع لوحده راية الإسلام وروايحة عطرة فى كل مكان
وكأنه منا كده زعلان ويقول شوهتوا ليه صورة الإسلام
وصلت دى رسالة الرحمن ليكوا بأمانة وكل إيمان
آخر ديانة سماوية توحيد ورحمة للإنسانية
ووصيتكوا بوحدة إسلامية بدون تحزب وشيعية
وفيها رحمة وخير وسلام وصورة حلوة للإسلام
وبقيتوا سنة وشيعية وداعش وقاعدة حربية
وكله بيفتى بإسم الدين واخرتها على فين كده رايحين
دى الوحدة هى أصل الدين والفرقة وسوسة من الشياطين
ازاى ده مسلم يقتل أخوه ويمثلوه ويحرقوه
دى رسالتى ليكوا رحمة وسلام وحماية للكافر بأمان
ويقولوا ده بإسم الإسلام دفاع ده عنه فى كل مكان
طب فين دفاع قدس فلسطين ينتهكوا حرمه يا مسلمين
ليه تغمضوا وتعملوا ناسيين وكان ده بينكوا صلاح الدين
سيبكوا من الفرقة والتحزيب ده هدفها فتنة بالتشتيت
واتحدوا جمعا زى زمان واعيدوا أمجاد الإسلام
مليار ونص مسلمين شيعة وسنة وسلفيين
متفرقين ومتناحرين عالوحدة ليه كده مش قادرين
فوقوا بقى ياامة إسلام وافشوا المحبة فى كل مكان
عشان ماتشربوا شربة كمان من حوض نبيكم العدنان.

مع تحيات الفقير الى الله
ياسر شرف- كبير محررين مترجمين
بقطاع الاخبار- الاذاعة والتلفزيون