جاى تبيع الميه ف حارة السقايين
...............................................
ببيبعولنا مية النيل
اللى حبانا بيه ربنا من سنين
انت فين يا فرعون تحلف اليمين
بدل حكامنا المسلمين
بيقولوا على كل حاكم ظالم فرعون
و فرعون جنبهم الله يكون فى العون
و يمكن كمان بيريز و ولده شمعون
اقترح يكون اسم المنصب كلعون
كلعون راح كلعون جه
وسع يا واد وسعى يا به
دا حتى السد العالى
اللى بناه الغالى
كإنهم باعوه لواحد بنغالى
خلى كل مصر تصوت و تلالى
الله يرحمك يا عبد الناصر
من بعدك الكل قاصر
الله يرحمك يا عبد الناصر
كنت واعى و باصر
مصر الأمان معدشى فيها أمان
فى أى لحظة تتسجن مش زى زمان
و التهمة انك فقير
مش قادر تدفع للغنى و الكبير
شوفتو حالنا ازاى بقا بالقلبة
فاضل يربطونا فى سلبة
أو يحطونا فى حلبة
مع الأسد و الشاطر اللى له الغلبة
زى الرومان زمان
بالذمة مش فرعون كان أرحم و هامان
يا ناس افرحوا بالسيول
و اطلبوا من الله الخيول
مش عايزين ميه و لا نور
عايزين نطرد المغول
و نحرر جوانا الغول
و نبقى مسلمين قبل ما نقول
على مين على مين على مين
على مين يا سيد الحلوين
جاى تبيع الميه ف حارة السقايين
محمد أبوالمعاطى
