شاعرة الياسمين منى ضيا
المدير العام
عدد المساهمات : 571
تاريخ التسجيل : 20/07/2015
 | | موضوع: مجلة حروف من الياسميبن *أول مره قابلت عينيكِ* بقلم الشاعر محمد ضباشه الأربعاء أكتوبر 28, 2015 3:56 pm | |
|  أول مره قابلت عينيكِ
للشاعر : محمد ضباشه أول مره قابلت عينيكِ
فتح لها قلبى وقال سلامات
ياللى منوره دايما حلمى
وأنت أساس كل الحكايات
ياما حكيت لصحابى عليهم
وإتمنيت تجمعنا ساعات
أخطف نظرة تاخدنى معاكِ
وأرجع أسقى الناس شربات
وأرسم وردة على فستانك
طاير حوليها الفراشات
واحنا فى قصر حيطانة محبة
رافع راسه فى السماوات
وأنتِ حبيبتى أحلى عروسه
حواليكِ أنوار وزينات
وايدينا مع بعض بتحكى
اللى دعيت بيه فى الصلوات
إن تاخدنى عينيكِ لجنة
وأنسى ليالى عذابها أهات
وأقفل قلبى على نظراتك
وأكتب على جدرانه أيات
اوعى فى يوم تنساها يا قلبى
وبإسمها دق الدقات
وبحبها خليك مدفى
وفى حضنها عيش اللحظات | |
|
