أه م الحب و عمايله
أه م الإحساس اللى انا شايله
و جمال معانيه و حروفه
أه م الحب و معروفه
لما تحس إنك معاها و انت مش معاها
لما تقول الكلمة و انت بعيد و هى سمعاها
لما تشيل الهم و تسمع بقلبك دعاها
لما تحس إنها أم أكيد سعادتك معاها
أه و أحلى أه بقولها
يا ريت ف يوم يا ربى اطولها
دا هى لوحدها و بطولها
تغنينى عن كل الناس لو انولها
أه من جمال الإحساس و قولها
أه من جمال الحنان اللى بيشع منها من كل حته
من لسانها و من ايديها و من حواسها الستة
أه من جمال عينيها لما تشوفنى من كل حته
و تقولى غير القميص مش لايق ع الجاكته
أه يا حبيبتى يا مراتى
يا أحن عليا من بناتى و اخواتى و جاراتى
أه يا حبيبتى يا مراتى
يا كل بلدى و شوارعى و حاراتى
أه يا حبيبتى يا مراتى
و فلبك أحلى مسحراتى
أه دايبة فى قلبى زى السكر
لما يدوب فى الميه و الشيئ بالشيئ يذكر
أه يا قلب حبيبتى يا حبيبى تشكر
يا كل العسل و الشهد و الروح سكر
محمد أبوالمعاطى
