مجلة حروف من الياسمين*** " حاسب : ياسيادة الوزير " بقلم / الشاعر محمد ضباشه

حاسب : ياسيادة الوزير
محمد ضباشه

خلى بالك وأنت ماشى
وحاسب : يا سيادة الوزير
وأوعى كلامك يوم يماشى
أى فكر يكون ضرير
وبص بصة وشوف معاشى
حاجة ما تاكلها الحمير
علشان ما تلقى الكراسى
تحت منك راح تطير
خلى بالك وإبقى عارف
إن النهار فتح عينيه
حتى جهل الجهل شايف
اللى ماسكة بين يديه
وإوعى تبصم وأنت خايف
قبل ما تسأل فين وليه
لحسن والله الكل حالف
مايطل نهارك عليه
خلى بالك ما أنت مصرى
وإحنا مش مواليد أوغندا
ولا راكب كتافنا حصرى
وفاكر إن إحنا فى هولندا
ولا فاكرإن قصرى
هيتاطى لناس قوانطا
تبقى أهبل زى عصرى
اللى ميز ديكا عن دا
خلى عينيك على الدوى
اللى يبوس إيده الفقير
وياما نفسى نزور سوى
أى مستشفى مش للكبير
ونشوف فعل الهوى
فى الغرف والأطبا والسرير
اللى خلوا حالنا استوى
ومعاهم أرواحنا تطير
خل بالك من الولاد
فى المدرسة بيكحوا جهل
والمدرس ورب العباد
بالخصوصى عايشها فحل
يبقى فين التعليم يا باشا ؟
والكتاب عيان وكهل
والمنظومة حبة هشاشة
ومن سنين وعليكوا مهل
معقول يكون التعليم بوغاشا
وفى نظركوا تعديله سهل
تبقى زى الناس ماقالوا
محتاج لك نص عقل