مجلة حروف من الياسميبن *** " ياريت بعدك " بقلم / عباس اسماعيل

ياريت بعدك حدي ياريت

رحت وخلص قنديلي من الزيت
كنت حبيتك على البئبشي
بالفرح بلحظات منعشي
وكانت فرحت معنا حيطان البيت
ياريت بعدك معي ياريت
كان الليل طول سهر
وخليت يحكيني القمر
والخد على ع الخد حطيت
ياريتك بعدك معي ياريت
بالعشق بقي عندي امل
ومرنت شفافك ع القبل
وروحك من كل قلبي ناديت
يا ريت بعدك معي ياريت
كنت نسيت الألم والوجع
وماخليت قلبك يحس بوجع
وايدي بإيدك كل الليل خليت
ياريت بعدك معي ياريت
كنت برسملك بالعتمة صور
جمعنا بهاك العتمة قدر
ل الله كنت ركعت وصليت
يبقى القنديل خالص من الزيت
بحبك مع الف تنهيدي
طالعة من قلبي و وريدي
وحدود العشق تخطيت
وادعي الله ينطفي قنديل كل بيت
ويحترق من القنديل الفتيل
وتطول ساعات الليل الطويل
ومانعرف الابيض الاسود بلون الخيط
ياريت بعدك معي يا ريت
ماحس معك بطلوع الفجر
كل الليل اكتب حروفك نثر
وتحكي شفافك ع السكيت
يا ريت بعدك معي ياريت
رحتي وخلص قنديلي من الزيت
والحيطان تحكي تمتمي
رجعي وحياتك ما بتندمي
ياريتك بعدك معي ياريت
وقت الخلص قنديلي من الزيت